Pro su Gologone

Alcuni anni fa, in occasione del carnevale, la nostra scuola cercò di sensibilizzare gli alunni e portò all’attenzione del paese il problema di su Gologone.
In quella occasione collaborarono con noi tanti genitori e tanti cittadini di Oliena.
Riporto SOS ATTITOS che scrissero per noi Felicina Cabboi, Patrizia Carrus, Gesuino Curreli e che insegnammo a tutti gli alunni

Tuttau su Gologone di GESUINO CURRELI
Tuttau Su Gologone!
Non b’at prus religione.
hie l’ha disignau?
Gologone est tuttau!

Huss’abba cristallina
fit bona midihina.
hom’est illudriau!
Golone est tuttau!

Sa vena sorridente
est morta de repente.
Su lohu est ammudau,
Gologone est tuttau!

Su neulahe puru
est timende s’ishuru
de clima hambiau.
Gologone est tuttau!

Non ridet su lidone,
si paret in prejone,
hundenna l’ana dau.
Gologone est tuttau!

Sa trota miserina
non pignihat s’ischina,
su poju s’est uffrau.
Gologone est tuttau!

Sas tincas hin su ludu
non balene un’ishudu.
Ite l’hat causau?
Gologone est tuttau!

Ambiddas moribundas
non bajulant sas undas
hi s’omine hat mandau.
Gologone est tuttau!

Miseru pishadore
non tenes prus s’onore
….a rivu.murihau…..
Gologone est tuttau!

Sa neula tottu s’annu!
Mi provoca s’affannu,
ma non cheret pesciau.
Gologone est tuttau!

Tuttau Su Gologone,
non cumprendo rejone.
Est male disignau!
Gologone est tuttau!

Prantu di FELICINA CABBOI
Ite bella sorgente
isti sa prus potente
de totu sa Sardigna
de lodes isti digna.

Jai ti credias orte
ma t’arriba sa morte
ando achirra sa prena
pro te e pro sa vena.

De sa sorre minore
calmalu su dolore
alleggeri sa pena
de sa minore vena

Narali hi non timada
ha es solu a sa prima
hi li pare ranchiggiu
su ludu piggiu piggiu.

Non drommas  tottu s’annu
pro cumbattes su dannu
meda deppes gherrare
sa prena a ti hacciare.

Pro non ti che tuttare
vattimos su puale
ha vene ti herimus
su puale vattimos.

Luego intras in gherra
nara a uve t’afferras
non basta su puale
a lu vinches su male.

Ma it’ es hustu hontu
su populu er già prontu
pro ambas sas sorgentes
ada bennes sa gente.

Sos iggios predilettos
si moene derettos
pro boche liberare
suno prontos a gherrare.

Su Consorziu indignu
est s’inimihu primu
hi volede approntare
su vrostu vunerale.

Ma si hustu est s’intentu
non dasse mancu amentu
in sa diga affohau
pro su male operau.

Ma si hustu est s’intentu
no appan godimentu
hustos malos attores
appan solu dolores.

Ma si hustu est s’intentu
no appan godimentu
in cad’ora e s’annu
appan solu malannu.

No liu permittimos
a issu costringhimos
su lagu a abbasciare
pro bos podes sarvare.

E sa vrosta bellesa
non bengia vilipesa
e pro baes huntentu
campeis mill’annos hentu.

 

Patrizia Carrus scrisse questo “attitu” , venne a scuola e lo insegnò ai nostri ragazzi.

ATTITU PRO SU GOLOGONE di Patrizia Carrus
Ego no lu podo huvare
Lu naro in dolore,
allegando m’annodo
huvare no lu podo.
No lu podo huvare,
su dannu est meda mannu,
tuttau tottu s’annu lu heren lassare!
…it’ errore su Gologone! ! ! !
It’est  hi s’an pesciau
A l’uhider de bottu,
su monumentu notu.
Ite pesciau s’ana !
Sa vamosa untana,
meta e cad’isposa,
pesciau hi s’an cosa!
Pro vies s’abba netta
De cad’isposa meta,
gai l’amos honnottu e l’esseren lassau!
No li siha s’intentu!
Su notu monumentu
..it’ errore su Gologone! ! ! !
Uss’isprihu luhente,
che lu tuttan comente,
de ludu vrishu e sihu,
ussu luhente isprihu,
onore e sa Sardigna
cadaunu s’impigna
prò vrimare sa prena i boloja sa vena
e la rendei indigna.
..it’ errore su Gologone! ! ! !
Nisciunu bi crediat sa protesta sihia
homo no, non s’arresta
Sa sihia protesta
Rancore in cada domo
No, non s’arresta homo.
A lir ghettat tremore hustu grande rancore
No lassen s’abba netta
A tremore lir ghettat!
Sa chescia non s’accabat
No lassen netta s’abba
Da ando b’est sa diga, a s’isfogu li briva
No c’allaga su lohu
A est pecci derrohu
Da ando b’est sa diga
S’abba netta nos briva.

..it’ errore su Gologone! ! ! !

I commenti sono chiusi.